План за ортодонтски третман

Прва консултација со ортодонт

Првата посета предвидува клинички преглед на пациентот. На овој начин ортодонтот има увид во состојбата и може да го посоветува пациентот за можните третмани, кога би требало да се започне со третманот, колку би траел и кои се приближните трошоци за него.
Доколку пациентот се одлучи да продолжи со третманот, се закажува термин за следна посета, кога се земаат и документираат сите потребни податоци за пациентот.

Водење документација

Во документацијата на пациентот спаѓаат:
- Отпечатоци од забите, кои служат за да се направи гипсен модел на забите на пациентот.
- Фотографии од забите и лицето на пациентот.
- Рентгенски снимки на забите и вилиците.

Документацијата овозможува прецизна анализа на секој случај/пациент засебно. На овој начин се документираат и сите случаи на малоклузија кои можат потоа да се искористат за референца во иднина.

Планирање на третманот

За време на оваа посета, ортодонтот и пациентот ги разгледуваат планот или плановите за третман кои се направени со помош на информациите добиени од првата консултација и документацијата.

Потоа, се закажува термин за почеток на третманот или, доколку е премногу рано, се закажуваат термини за редовни предгледи на пациентот, додека не дојде вистинскиот момент за почеток на третманот.

Вадење заби и други прелиминарни процедури

Во одредени случаи, за да се добие доволно простор за порамнување на забите, потребно е да се отстранат одредени заби од вилицата.

Кариесот се отстранува од сите заболени заби пред почетокот на третманот, а понекогаш потребно е и сите заби да се исчистат.

Трошоците за горенаведените прелиминарни порцедури не се вклучени во трошоците за ортодонтскиот третман, бидејќи нив ги извршува семејниот стоматолог.

Протези

Протезите овозможуваат најефикасен и најпрецизен начин за поместување на забите.

Протезите се најчесто направени од челик што не ‘рѓосува, иако постојат и безбојни брекети, кои најчесто не се пресметани во целовкупниот износ на третманот.

За поставување на протезите се потребни најчесто две посети, а потоа тие се носат за време на целиот третман.

Пациентите потоа доаѓаат на редовни посети во период од секои 4-8 недели за корекција на протезите, промена на жици, итн.

Еастични ленти и хедгер

За време на третманот, може да е потребно пациентите додатно на протезите да носат апарати како што се еластичните ленти или хедгер. Овие помагала создаваат додатни сили кои го корегираат загризот.

Времетраење на третманот

Потребни се најчесто 18 - 24 месеци за успешно исполнување на третманот. Во некои случаи овој период е подолг, а во некои, пократок. Времетраењето на третманот зависи од карактеристиките на малоклузијата, видот на третманот и соработката од страна на пациентот.

Столатолошки прегледи

Пациентите треба да продолжат со редовните стоматолошки прегледи дури и за време на ортодонтскиот третман.

Ретенција

По завршетокот на активниот дел од третманот, протезите се отстрануваат, а се поставуваат помагала за ретенција, кои ги оддржуваат забите во новодобиената позиција. Овие помагала се во форма на плочи кои се отстрануваат или жици кои се поставуваат зад забите.
Ретејнерите имаат важна улога во ортодонтскиот третман, бидејќи доколку не се употребуваат како што е наложено, забите можат да се вратат во својата претходна положба.

Помагалата за ретенција најчесто се носат:
- Постојано во период од една година
- Само ноќе во период од една дополнителна година
- Дополнително во период од една година, при што отпрво се употребуваат постојано, а потоа полека се отстрануваат од употреба.

Потребни се периодични посети, еднаш до два пати во годината, за проверка на новодобиената корегирана позиција на забите во период до пет години по завршетокот на третманот, откако ќе се престане со употреба на помагалата за ретенција.